Հայ ըմբիշներն այսօր մեկնարկում են «Ալաններ» մրցաշարում

Այսօր Վլադիկավկազում մեկնարկում է ազատ ոճի ըմբշամարտի միջազգային «Ալաններ» մրցաշարը, որտեղ հանդես կգան նաեւ հայ մարզիկները:

Առաջին օրը գորգ դուրս կգան մինչեւ 57, 65, 74 ու 97 կգ քաշային ըմբիշները:

Հանդես կգան Գարիկ Բարսեղյանը, Մխիթար Գրիգորյանը (57 կգ), Վալոդյա Ֆրանգուլյանը  (65 կգ) եւ Վարուժան Կաջոյանը (74 կգ) եւ Շամիր Աթյանը (97 կգ):

Մրցաշարում վաղը կմրցեն Վաղինակ Մաթեւոսյանը (61 կգ), Հովհաննես Մխիթարյանը եւ Սարգիս Հովսեփյանը (86 կգ):

«Ալանների» մրցանակային ֆոնդը 80 հազ. դոլար է կազմում, հաղթողը կստանա 5000,  2-րդ ու 3-րդ մրցանանակիրներն էլ՝ 2000 ու 1000 դոլար: