Վանաձորում 22-րդ անգամ անցկացվում է Օլիմպիական խաղերի արծաթե մեդալակիր, Եվրոպայի չեմպիոն ու Աշխարհի Գավաթակիր Ստեփան Սարգսյանին նվիրված ազատ ոճի ըմբշամարտի միջազգային մրցաշարը:
Մասնակցում են 5 երկրների մոտ 100 ըմբիշներ: Մրցաշարի ընթացքի ու կազմակերպման մասին խոսել է Հայաստանի ըմբշամարտի ֆեդերացիայի գլխավոր քարտուղար Արայիկ Բաղդադյանը:
Ստեփան Սարգսյանի մրցաշարը նորից կայացավ, լավ ըմբիշներ են մասնակցում, այս անգամ քիչ թիմեր են եկել, բայց որակը բարձր է:
Ռուսաստանի հավաքականն է 2-3-րդ համարներով ներկայացել, Հյուսիսային Օսեթիան առանձին թիմով է, մեր հարեւան Վրաստանը 30 հոգանոց պատվիրակությամբ է մասնակցում, Բուլղարիայից ու Ուկրաինայից էլ հյուրեր ունենք:
Հետաքրքիր գոտեմարտերի ենք ականատես լինում, մեր ազատ ոճի զարգացման համար է անցկացվում այն, որ երիտասարդները տեսնեն, ավելի ձգտեն, գումարային պարգեւներ էլ կան, դա մեծ խթան է, կարող են իրենց աշխատանքով գումար վաստակել:
Վանաձորում է անցկացնում, քանի որ Ստեփան Սարգսյանն այստեղ է ծնվել, Երեւանում էլ է մրցաշարը լավ անցնում, սակայն նրա հարազատ քաղաքում իսկական տոնի է վերածվում: Սարգսյանի սպորտային բոլոր ընկերները հավաքվում են այստեղ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: