Վիճաբանություն Գրան Պրիում. Ալեքսանյանը չի շարունակել գոտեմարտը

Թբիլիսիում շարունակվող Գրան Պրիում հայ ազատ ոճայինների եզրափակիչ գոտեմարտերից հետո պայքարը շարունակել են հունահռոմեականները:

Օլիմպիական, Աշխարհի ու Եվրոպայի չեմպիոն Արթուր Ալեքսանյանը (98 կգ) 2-րդ տեղն է զբաղեցրել: Եզրափակչում նա հանդիպել է վրացի Ռեւազ Նադարեյշվիլու հետ, սակայն 1:2 հաշվի ժամանակ տրիբունաներում վիճաբանություն է սկսվել: Պատճառը կողմնակալ մրցավարությունն է եղել:

Հայ մարզիչներն ու ֆեդերացիայի անդամները փորձել են խոսել կազմակերպիչների հետ, սակայն մրցավարները հաշիվը չեն փոխել:

Դրանից հետո Ալեքսանյանը չի շարունակել ելույթն ու նրա հաշվին 1:4 հաշվով տեխնիկական պարտություն է գրանցվել:

Մանրամասները կտեղեկացնենք մեր պատվիրակության անդամների հետ ճշտելուց հետո:

Ավելի վաղ էլ մինչեւ 85 կգ քաշային կարգում արծաթե մեդալ էր նվաճել Մաքսիմ Մանուկյանը: