Ազատ ոճի ըմբիշները պատրաստվում են Եվրոպայի առաջնությանը

Հայաստանի ազատ ոճի ըմբշամարտի հավաքականն ապրիլի 18-ից Աբովյանում սկսելու է Եվրոպայի առաջնությանը նախապատրաստվող վերջին հավաքը:

Մինչ այդ թիմի գլխավոր մարզիչ Արմեն Մկրտչյանը ըմբիշների հետ մարզումներ է անցկացնում Երեւանում:

Mediamax Sport-ի թղթակցի հետ զրույցում Մկրտչյանն ասել է, որ մինչ այժմ ունեցած մարզումները լավ են անցել:

«Ժամանակը քիչ էր, սակայն մենք փորձեցինք անընդհատ աշխատելու շնորհիվ տղաներին լավ վիճակի բերել: Ես փորձում եմ ամեն ինչ անել, որպեսզի հաջող ելույթ ունենաք Եվրոպայի առաջնությունում: Վերջին հավաքի ժամանակ կաշխատենք հնարքների վրա, կկատարենք անհրաժեշտ շտկումները»,- ասել է Մկրտչյանը:

Մայիսի 2-7-ը կայանալիք ԵԱ-ում հանդես են գալու Գարիկ Բարսեղյանը (57 կգ), Վոլոդյա Ֆրանգուլյանը (61 կգ), Նարեկ Սիրունյանը (65 կգ), Վալտեր Մարգարյանը (70 կգ), Գրիգոր Գրիգորյանը (74 կգ), Վահե Թամրազյանը (86 կգ), Գեորգի Կետոեւն (97 կգ) ու Լեւան Բերիանիձեն (125 կգ):