Այսօր Երեւանում մեկնարկել է Հայաստանի ազատ ոճի ըմբշամարտի առաջնությունը:
Հայաստանի հավաքականի նորանշանակ գլխավոր մարզիչ Արմեն Մկրտչյանը խոստովանել է, որ առաջնության ավարտից հետո կձեւավորվի թիմը, որն էլ կմեկնի ուսումնամարզական հավաքի:
«Առաջին հավաքը նախատեսում ենք անել փետրվարի 23-ից Ծաղկաձորում: Թիմում կընդգրկվեն առաջնությունում լավագույն եռյակում հայտնված ըմբիշները: Ապա մարտի սկզբին Ստամբուլում կմասնակցենք միջազգային մրցաշարի»,- ասել է Մկրտչյանը:
Այսօր մինչեւ 57 կգ քաշային կարգում լավագույնն է եղել Գարիկ Բարսեղյանը, նա եզրափակչում ուժեղ է եղել Մխիթար Գրիգորյանից: Նարեկ Սիրունյանը մինչեւ 65 կգ քաշային կարգի եզրափակչում առավելության է հասել Գուրգեն Գալստյանի նկատմամբ:
Հատկապես հետաքքրքիր է եղել 74 կգ քաշային ըմբիշների եզրափակիչը: Գրիգոր Գրիգորյանը վստահ հաղթանակ է տարել Վարուժան Կաջոյանի նկատմամբ: Գեորգի Կետոեւն (97 կգ) էլ ոչ մի շանս չի տվել Շամիր Աթյանին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: