Ալավերդյան. Կապացուցեմ, թե որքան ուժեղ է հայկական ծանրամարտը

Հունիսի 19-ից Հայաստանի ծանրամարտի պատանեկան ընտրանին, իսկ օգոստոսի 19-ից ՝ երիտասարդական ու մեծահասակների թիմերը կկարողանան մասնակցել միջազգային մրցումների:

Հայաստանի ծանրամարտի ֆեդերացիայի գլխավոր քարտուղար ու տղամարդկանց ընտրանու գլխավոր մարզիչ Փաշիկ Ալավերդյանը լրագրողների հետ հանդիպման ժամանակ ասել է, որ արդեն կատարել են IWF-ի 18 պահանջներից 12-ը, 6-ն էլ ընթացքի մեջ է:

Որակազրկման հանումը

Դոպինգի թեման ինձ համար անցանկալի է, բայց միեւնույն է պետք է պարզաբանում տալ: Մեզ կթույլատրեն մասնակցել մրցումների, ես էլ կկարողանամ հունիսին Միլանում կայանալիք ԵԱ-ում ժյուրիի նախագահ լինել:

Կատարել ենք պահանջների մեծ մասն ու վճարել 50 հազ. դոլար տուգանք: Աշխարհի առաջնությունում ու Օլիմպիական խաղերում կապացուցեմ, թե որքան ուժեղ է հայկական ծանրամարտը, չնայած վերջին տարվա ընթացքում մեզ շատ են քննադատել:

1 տարվա մրցումային բացը չեք զգա, մեր մարզիկները շարունակում են մարզվել ու աշխարհի ռեկորդներ են սահմանում: Մինչ նոյեմբերին Տաշքենդում կայանալիք ԱԱ-ն հնարավոր է ծանրորդների մի մասին ուղարկեմ ուսանողական խաղեր, մյուսներն էլ կմասնակցեն Մ-20 ու Մ-23 տ. Եվրոպայի առաջնությանը: Գոռ Մինասյանից ու Ռուբեն Ալեքսանյանից բացի ողջ թիմը մտնում է այդ տարիքային խմբի մեջ:

Լուսանկարը` iwf.net