Հայաստանի ծանրամարտի մինչեւ 23 տարեկանների հավաքականը հոկտեմբերի 15-22-ը Ալբանիայում մասնակցելու է Եվրոպայի առաջնությանը:
Mediamax Sport-ի թղթակցի հետ զրույցում հավաքականի գլխավոր մարզիչ Փաշիկ Ալավերդյանն ասել է, որ Հայաստանի ընտրանու որակազրկման ժամկետների հետ կապված դեռ հստակություն չկա:
«Մի բան հաստատ է, որ հանդես ենք գալու Մ-23 տարեկանների Եվրոպայի առաջնությունում: Բոլոր հարցերը լուծված են՝ տոմսերի, վիզաների»,- նշել է Ալավերդյանը:
Հավաքականի մարզիչ Վիգեն Խաչատրյանն էլ ավելացրել է, որ մարզվում են Երեւանում: Թիմը մրցավայր կմեկնի երկու խմբով՝ հոկտեմբերի 15-ին ու 17-ին:
ԵԱ-ում ելույթ կունենան Ժորժ Եղիկյանը (77 կգ), Անդրանիկ Կարապետյանը (85 կգ), Կարուշ Ղուկասյանը (94 կգ), Մկրտիչ Մկրտչյանը (105 կգ) եւ Գոռ Մինասյանը (+105 կգ):
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: