Եվրոպայի չեմպիոն ու Օլիմպիական խաղերի արծաթե մեդալակիր Սիմոն Մարտիրոսյանը շարունակում է փայլել միջազգային հարթակներում:
Օրեր առաջ Տոկիոյում կայացած ծանարամրտի երիտասարդական Աշխարհի առաջնությունում նա այս տարվա իր 2-րդ ոսկե մեդալն է նվաճել: Ծանրորդը նաեւ 2-րդ տարին անընդմեջ է 426 կգ արդյունքով է չեմպիոն դարձել:
«Թեեւ մարզիչները գոհ են իմ ցույց տված արդյունքից, սակայն ես այդքան էլ այդ մտքին չեմ: Չկարողացա բարձրացնել հրման 246 կգն-ն ու աշխարհի ռեկորդ սահմանել: Այս տարվա ընթացում կփորձեմ այն ինձ ենթարկել: Երեւի մի քիչ շտապեցի, այդ պատճառով էլ չստացվեց»,- նշել է ծանրորդը:
Մարտիրոսյանը չի կարծում, որ երիտասարդ տարիքում բազմաթիվ մեդալներ նվաճելը հետագայում կխանգարի իրեն լավ ելույթ ունենալ. «Ես դեռ ոչ Օլիմպիական, ոչ էլ Աշխարհի չեմպիոն չեմ դարձել, այնպես որ պետք է ձգտեմ դրանք էլ նվաճել»:
ԱԱ-ի բրոնզե մեդալակիր Սոնա Պողոսյանն էլ իր ելույթը լավ է գնահատում, սակայն այդքանով չի բավարարվելու:
«Մյուս տարի կփորձեմ չեմպիոն դառնալ ու ավելի բարձր նվաճումների հասնել»,- նշել է մարզուհին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: