Տոկիոյում կայացած ծանրամարտի երիտասարդական Աշխարհի առաջնությունում Օլիմպիական խաղերի արծաթե մեդալակիր ու այս տարվա Եվրոպայի չեմպիոն Սիմոն Մարտիրոսյանը ոսկե մեդալակիր է դարձել, Սամվել Գասպարյանն ու Սոնա Պողոսյանն էլ բրոնզե մեդալներ նվաճել:
Հայաստանի երիտասարդական հավաքականի գլխավոր մարզիչ Մելիք Ղուկասյանը Mediamax Sport-ին ասել է, որ ծանրորդները հիանալի մրցաշար են անցկացրել:
«Սամվելը հրման վերջին մոտեցումն օգտագործելու դեպքում հաղթող կդառնար, սակայն այս անգամ բրոնզով բավարարվեց: Իսկ Սիմոնը գերազանցեց բոլորիս սպասելիքները: Նա 246 կգ-ով փորձեց աշխահի ռեկորդ սահմանել, սակայն չստացվեց: Համոզված եմ, որ այս տարվա ընթացքում այդ քաշը կկարողանա բարձրացնել»,- նշել է մարզիչը:
Նրա խոսքով, աղջիկներն էլ են լավ հանդես եկել, Արփինե Դալալյանը, որը 4-րդն է եղել, 15 կգ-ով բարելավել է արդյունքն ու հաջող օգտագործել իր բոլոր 6 մոտեցումները:
Ծանրորդները հուլիսի 3-ից հավաք են ունենալու Օլիմավանաում ու պատարստվելու են առաջիկա մրցումներին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: