Այս տարվա մեծահասակների ԵԱ-ի բրոնզե մեդալակիր ու Օլիմպիական խաղերի մասնակից Սոնա Պողոսյանն ամենախոստումնալից հայ ծանրորդուհիներից է: Երեկ էլ Տոկիոյում ընթացքող երիտասարդների ԱԱ-ում նա բրոնզե մեդալ է նվաճել:
Պողոսյանը Mediamax Sport-ի թղթակցի հետ զրույցում նշել է, որ համոզված է եղել՝ լավ աշխատելու դեպքում աշխարհի առաջնությունում կկարողանա մեդալ նվաճել:
«Բոլոր մրցակիցներինս էլ շատ լավ գիտեի: Մեդալն ինձ հեշտությամբ չտրվեց, քանի որ մեջքի եւ ուսի վանսվածքներ ունեի, բայց կարողացա հաղթահարել դրանք ու մտնել պայքարի մեջ»,- ասել է մարզուհին:
Երկամարտի արդյունքում նա 223 կգ է բարձրացրել ու, իր խոսքով, այս պահին առավելագույն քաշն էր, որ կարող էր գրանցել:
Լուսանկարը` iwf.net
Հրման 3-րդ մոտեցումը Պողոսյանը չկարողացավ ավարտին հասցնել. «Ցավը խանգարեց, որ լիարժեք կատարեմ մոտեցումս: Բայց այդ կիլոգրամներն ինձ ոչինչ էլ չէին տալու, պարզապես 3-րդ մոտեցումն արդյունավետ կօգտագործեի»:
Հիմա մարզուհին ցանկանում է ապաքինվել վնասվածքներից ու պատրաստվել երիտասարդների Եվրոպայի առաջնությանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: