Խորվաթական Սպլիտ քաղաքում ընթացող Եվրոպայի ծանրամարտի առաջնությունում Հայաստանը նվաճել է առաջին ոսկե մեդալը:
Օլիմպիական խաղերի արծաթե մեդալակիր Սիմոն Մարտիրոսյանը (105 կգ) հավասարը չի ունեցել ու բոլոր վարժություններում էլ նվաճել է ոսկե մեդալներ:
Պոկումում նա բարձրացրել է 184 կգ, իսկ հրումում՝ 230 կգ: Երկամարտի 414 կգ արդյունքով Մարտիրոսյանը հռչակվել է Եվրոպայի չեմպիոն:
Նույն քաշային կարգում հանդես եկող Սամվել Գասպարյանը 375 կգ-ով ելույթն ավարտել է յոթերորդ հորիզոնականում:
Ավելի վաղ կանանց պայքարում բրոնզե մեդալակիրներ էին դարձել Սոնա Պողոսյանն ու Տաթեւ Հակոբյանը:
Այսօր պայքարի են դուրս գալու գերծանր քաշայինները: Հայաստանը ներկայացնելու են Գոռ Մինասյանն ու Ռուբեն Ալեքսանյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: