Սոնա Պողոսյանը ԵԱ-ի բրոնզե մեդալակիր է

Խորվաթիայում ընթացող ծանրամարտի Եվրոպայի առաջնությունում այսօր հարթակ է դուրս եկել Սոնա Պողոսյանը (75 կգ):

Պոկում վարժությունում հայ մարզուհին օգտագործել է երկու հնարավորություն ու բարձրացրել 101 կիլոգրամանոց ծանրաձողը:

Հրումում Պողոսյանը երկու մոտեցման արդյունքում բարձրացրել է 126 կգ եւ երկամարտի 227 կգ-ով զբաղեցրել երրորդ հորիզոնականը: Հրում վարժությունում նա նաեւ փոքր արծաթե մեդալ է գրանցել իր հաշվին:

Եվրոպայի չեմպիոն է դարձել իսպանուհի Լիդիա Վալետնինը՝ 252 կգ-ով:

Եվրոպայի առաջնությունում Հայաստանի հավաքականից ելույթ են ունենալու նաեւ Տաթեւ Հակոբյանը (90 կգ), Կարուշ Ղուկասյանը (94 կգ), Սիմոն Մարտիրոսյանը, Սամվել Գասպարյանը (105 կգ), Գոռ Մինասյանն ու Ռուբեն Ալեքսանյանը (+105 կգ):