Ապրիլի 3-10-ը Թաիլանդում կայանալիք վարկանշային Աշխարհի առաջնությունում 8 երիտասարդ հայ ծանրոդներ են հանդես գալու:
Mediamax Sport-ին հավաքականի գլխավոր մարզիչ Էդուարդ Կիզողյանն ասել է, որ հիմա թիմն ուսումնամարզական հավաք է անցկացնում Աբովյանում, մինչ այդ էլ մարզվել են Ծաղկաձորում:
2018-ի Արգենտինայի ամառային պատանեկան Օլիմպիական խաղերի ուղեգրերի համար պայքարելու են Խաչիկ Հարությունյանը (56 կգ), Բաբկեն Բագրատյանը (62 կգ), Արմեն Գրիգորյանը, Ռաֆիկ Հարությունյանը (69 կգ), երիտասարդների ԵԱ-ի հաղթող Կարեն Մարգարյանը, Տիգրան Ամիրյանը (77 կգ), Յաշա Մինասյանն ու Արսեն Դադայանը (94 կգ):
«Կփորձենք պայքարել խաղարկվող 2 ուղեգրերի համար: Հավաքները լավ են անցել, կշարունակենք նույն կերպ մարզվել ու ապրիլի 1-ին կմեկնենք մրցավայր»,- ասել է Կիզողյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: