Դավիթ Հովհաննիսյանը երիտասարդական ԵԱ-ի ոսկե մեդալակիր է

Իսրայելի Էիլաթ քաղաքում ընթացող ծանրամարտի Եվրոպայի երիտասարդական առաջնությունում Հայաստանը նվաճել է առաջին մեդալը:

Մինչեւ 20 տարեկանների մրցաշարում պատվոհարթակի առաջին աստիճանին է կանգնել Դավիթ Հովհաննիսյանը (77 կգ):

Հայ ծանրորդը պակում վարժությունում 149 կգ-ով զբաղեցրելէ 3-րդ տեղը, իսկ հրումում ցույց է տվել 177 կգ ու գրավել առաջին տեղը:

Երկամարտի 326 կգ արդյունքով Հովհաննիսյանը նվաճել է ԵԱ-ի ոսկե մեդալ՝ երկրորդ եւ երրորդ տեղերը գրաված մարզիկներից առաջ անցնելով մեկ կիլոգրամով:

Երեկ աղջիկների պայքարում հանդես է եկել Իզաբելա Յայլյանը (58 կգ): Նա 190 կգ-ով ելույթն ավարտել է 5-րդ տեղում:

Հայաստանի ընտրանուց Մ-20 տարեկաններում հանդես են գալու նաեւ Հակոբ Մկրտչյանը (85 կգ), Սամվել Գասպարյանը (94 կգ) եւ Սիմոն Մարտիրոսյանը (105 կգ):

Մ-23-ում՝ Ռազմիկ Օլթեցյանը (77 կգ), Կարուշ Ղուկասյանը (94 կգ) եւ Մկրտիչ Մկրտչյանը (105 կգ):

Աղջիկների մրցաշարում ելույթ են ունենալու Սոնա Պողոսյանն (75 կգ) ու Արփինե Դալալյանը (+75 կգ):