Հայաստանի հավաքականն այսօրվանից կպատրաստվի Շվեդիայի դեմ խաղին

Հայաստանի բասկետբոլի հավաքականը Շվեդիայի Ուպսալա քաղաքում է, որտեղ օգոստոսի 16-ին անցկացնելու է 2019 թվականի Աշխարհի առաջնության նախընտրական փուլի հերթական հանդիպումը։

Սլովակիայի նկատմամբ տարած հաղթանակից հետո Նիկշա Բավցեւիչի սաները Բրատիսլավայից ուղեւորվել են Շվեդիա:

Այսօր խաղացողները պարապելու են մարզասրահում, իսկ մեկ օր անց մարզումներ անցկացնելու բասկետբոլային դահլիճում, հայտնում է ֆեդերացիայի մամուլի ծառայությունը։

Շվեդիա-Հայաստան հանդիպումը կայանալու է օգոստոսի 16-ին Երեւանի ժամանակով ժամը 21։00-ին։

Նախընտրական փուլի A խմբում Հայաստանի հավաքականը գլխավորում է մրցաշարային աղյուսակը: