Նիկշա Բավցեւիչ. Սխալներից պետք է հետեւություններ անենք

Հայաստանի բասկետբոլի հավաքականն Աշխարհի առաջնության ընտրական փուլում կրել է առաջին պարտությունը:

Սարաեւոյում հայ բասկետբոլիստները 98:85 հաշվով զիջել են Բոսնիա եւ Հերցեգովինային:

Խաղից հետո հավաքականի գլխավոր մարզիչ Նիկշա Բավցեւիչն ասել է, որ կվերլուծեն սխալներն ու դրանցից հետեւություններ կանեն:
 
«Խաղի մասին պետք նշել երկու կարեւոր հանգամանք: Նախ, մենք հարձակման ժամանակ 16 անգամ տիրել ենք օղակից անդրադարձած գնդակին: Մեծ ազդեցություն ունեցավ նաեւ այն, որ Թավաքալյանը եւ Մկրտիչյանը արագ ստացան 3-ական խախտում: Բրատիսլավայում մեզ շատ կարեւոր խաղ է սպասվում, որտեղ հյուրընկալվելու ենք Սլովակիային»,- Բավցեւիչի խոսքերը մեջբերում է բասկետբոլի ֆեդերացիան:

Հայաստանի հավաքականն այժմ A խմբում զբաղեցնում է 2-րդ հորիզոնականը: Օգոստոսի 12-ին թիմը հանդիպելու է Սլովակիայի ընտրանուն, որին Երեւանում կարողացել է հաղթել: