Նանջինգում ավարտված 2-րդ ամառային պատանեկան Օլիմպիական խաղերում հայ մարզիկները նվաճել են 7 մեդալ:
204 երկրների 3808 մարզիկների պայքարում Հայաստանի ներկայացուցիչները հայրենիք կվերադառնան 2 ոսկե, 2 արծաթե ու 3 բրոնզե մեդալներով:
Օլիմպիադայի հաղթողի կոչումը նվաճել են ծանրորդներ Հակոբ Մկրտչյանն (77 կգ) ու Սիմոն Մարտիրոսյանը (+ 85 կգ): Արծաթե մեդալակաիրներ են դարձել հրաձիգ Հրաչիկ Բաբայանն ու հունահռոմեական ոճի ըմբիշ Զավեն Միքայելյանը(58 կգ): Իսկ բրոնզե մեդալների արժանացել են բռնցքամարտիկ Նարեկ Մանասյանը (81 կգ), ազատ ոճի ըմբիշներ Վաղինակ Մաթեւոսյանն (54 կգ) ու Սարգիս Հովսեփյանը (76 կգ):
Մեդալների ոչ պաշտոնական թիմային հաշվարկում Հայաստանի Օլիմպիական հավաքականը 29-30-րդ տեղերն է կիսել Սլովենիայի հետ: Մեդալային հաշվարկում առաջատարը տանտերերն են, չինացիները նվաճել են 65 մեդալ:
Հայաստանի հավաքականը Երեւան է վերադառնալու օգոստոսի 30-ին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: