Հայաստանի սպորտի եւ երիտասարդության հարցերի նախարարությունը կունենա նոր ղեկավար:
Sport Mediamax-ի հավաստի տեղեկություններով, նոր նախարար է նշանակվելու Օլիմպիական կոմիտեի սպորտվարչության պետ Գաբրիել Ղազարյանը:
«Բարգավաճ Հայաստան» կուսակցության մամուլի քարտուղար Տիգրան Ուրիխանյանը Sport Mediamax-ի թղթակցի հետ զրույցում ասել է, որ Ղազարյանի նշանակման տեղեկությունը կարող են հաստատել կամ հերքել ավելի ուշ:
Իսկ Գագիկ Ծառուկյանի խոսնակ Իվետա Տոնոյանն էլ նշել է, որ Գաբրիել Ղազարյանը ԲՀԿ-ական չէ. «Ամեն դեպքում, ես նման ինֆորմացիայի չեմ տիրապետում, ու մեր կուսակցությունում նման անունով մարդ չկա»:
Գաբրիել Ղազարյանը Օլիմպիական կոմիտեի սպորտվարչության պետն է, ջրացատկի ֆեդերացիայի նախագահն ու բասկետբոլի ֆեդերացիայի նախագահական կազմի անդամ:
Ղազարյանն այս պաշտոնում փոխարինելու է Յուրի Վարդանյանին, որը նշանակվել էր 2013 թվականի մայիսին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: