Մեկ կադրում. Մադրիդի Մասթերսում Նալբանդյանի սենսացիոն հաղթանակը

10 տարի առաջ հոկտեմբերին Դավիթ Նալբանդյանը հաղթել է Մադրիդի Մասթերսում: Այդ մրցաշարը հայազգի թենիսիստի համար ամենատպավորիչներից ու գեղեցիկներից մեկն է եղել:

Նա փայլուն հաղթանակներ է տարել Աշխարհի 3 լավագույն թենիսիստների նկատմամբ՝ 1/4 եզրափակչում Ռաֆայել Նադալի, կիսաեզրափակչում Նովակ Ջոկովիչի, եզրափակչում էլ Ռոջեր Ֆեդերերի:

Նա դարձել է ընդամենը 3-րդ թենիսիստը, ում հաջողվել է 1994 թվականից հետո մեկ մրցաշարի ընթացքում հաղթել համաշխարհային դասակարգման աղյուսակի առաջին 3 համարներին:

Mediamax Sport-ն իր «Մեկ կադրում» շարքում ներկայացնում է 2007 թվականի Դավիթ Նալբանդյանի նվաճումը:

Մրցաշարն անցկացվել է Մադրիդում հոկտեմբերի 15-21-ը: Նալբանդյանն իր կարերայի լավագույն մրցաշրջանն ունեցավ, մինչ այդ նա երբեք չէր հաղթել Մասթերս մրցաշարերում:

Թեեւ մրցաշարի ֆավորիտ չէր համարվում, սակայն կարողացավ իրար հետեւից պայքարից հանել ուժեղագույն թենիսիստներին:

Եզրափակչում նա մրցեց Ֆեդերերի հետ ու իսկական սենսացիայի հեղինակ դարձավ: Առաջին սեթում առավելությունը շվեյցարացունն էր, նա ընդամենը 20 րոպեում հաղթեց 1:6 հաշվով ու գնաց ընդմիջման բարձր տրամադրությամբ:

Այդ ընթացքում Նալբանդյանն ինչ-որ բան էր շշնջում քթի տակ, գուցե դա աղոթք էր կամ ոգեւորող ճառ, սակայն երբ կորտ դուրս եկավ, բոլորովին այլ տեսք ուներ:

Լուսանկարը` Facebook