Սպորտը միշտ էլ գեղեցիկ է անսպասելի էմոցիոնալ դրսեւորումներով: Անգամ ամենաքչախոս ու համեստ մարզիչները երբեմն չեն կարողանում թաքցնել իրենց ապրումները:
Mediamax Sport-ը «Մեկ կադրում» շարքում այս անգամ ներկայացնում է հենց այդպիսի լուսանկար: Այն արվել է օգոստոսի 6-ին Ռիոյի Օլիմպիական խաղերի նժույգթափերի որակավորման փուլում:
Պատմում է Հայաստանի մարմնամարզության հավաքականի 2-րդ ու Հարություն Մերդինյանի անձնական մարզիչ Սոս Սարգսյանը:
Իմ երազանքն է եղել, որ Հարություն Մերդինյանը մասնակցի Օլիմպիական խաղերին: Այդ օրը, երբ նրան հաջողվեց ընդգրկվել 8 լավագույնների ցանկում ու մտնել եզրափակիչ, աննկարագրելի էր:
Երբ տեսա նրա վաստակած միավորներն, արդեն գիտեի, որ եզրափակչում է: Հարությունի համար դա արդեն իսկ լավ արդյունք էր: Նա հնարավորություն էր ստացել պայքարելու մեդալի համար:
Այն պահին, երբ նա իջավ հարթակից, պարզապես համբուրեցի ճակատը՝ այդկերպ ցույց տալով իմ ապրումները՝ ուրախությունը, հպարտությունը:
Հարությունն ասես տղաս լինի, 6 տարեկանից իմ գլխավորությամբ է մարզվում, մեզ համար դա շատ մեծ նվաճում էր: Կարողացել էինք մեր երկրի համար մեծ գործ անել, այդքան աշխատանքն ապարդյուն չէր եղել:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: