Ղազախստանյան «Տոբոլ» ակումբը բանակցություններ է վարում Հայաստանի ֆուտբոլի ազգային հավաքականի նախկին գլխավոր մարզիչ Վարդան Մինասյանի հետ:
Ինչպես գրում է sports.kz-ն, Կոստանայ քաղաքը ներկայացնող ակումբը նոր մարզիչ է փնտրում, ու հիմնական թեկնածուն հենց Մինասյանն է:
Մեդիամաքս-ի հավաստի տեղեկություններով, Մինասյանն արդեն այսօր մեկնել է Կոստանայ, որտեղ բանակցություններ կանցկացնի թիմի ղեկավարության հետ:
Նշենք, որ երեկ ակումբն ընդունել է «Տոբոլի» գլխավոր մարզիչ Սերգեյ Մասլենովի հրաժարականի դիմումը, որի օրոք թիմը 6 խաղում մեկ հաղթանակ է տոնել եւ մեկ ոչ ոքի խաղացել, վաստակելով ընդամենը 4 միավոր եւ ընթանալով 10-րդ տեղում:
Կայքը նշում է, որ Մինասյանը դեռեւս դեկտեմբերին կարող էր աշխատել Ղազախստանում, սակայն «Աստանան» վերջին պահին հրաժարվել է Մինասյանի ծառայություններից:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: