Օգոստոսի 11-ին կայացել է Հայաստանի Բարձրագույն խմբի առաջնության 2-րդ տուրի 2 հանդիպում:
«Արցախը» հյուրընկալել է «Բանանցին» ու առավելության հասել նվազագույն հաշվով: Միակ գոլի հեղինակը Գիրգոր Աղեկյանն է:
Պարտությունից հետո «Բանանցի» գլխավոր մարզիչ Արամ Ոսկանյանը հրաժարական է տվել:
«Ես որոշում եմ կայացրել «Բանանցի» գլխավոր մարզչի պաշտոնից հեռանալու մասին: Որոշումը էմոցիոնալ չէ, այլ մտածված: Առաջին երկու տուրում թիմի ցույց տված արդյունքները չեն կարող գոհացուցիչ լինել եւ դրանք բավարար չեն առաջին հերթին ինձ համար:
Գտնում եմ, որ ներկայումս ես չեմ կարող լուծել իմ առջև դրված՝ չեմպիոն դառնալու խնդիրը: Նախորդ մրցաշրջանում մեր թիմն ունեցավ հաջող արդյունքներ, սակայն ներկայումս խաղում անկում կա»,- ասել է մարզիչը:
«Արարատ-Արմենիան» էլ 1:2 հաշվով զիջել է «Արարատին»: 16-րդ րոպեին «Արարատի» կազմում հաշիվը բացել է Զավեն Բադոյանը, սակայն Իվայլո Դմիտրովին հաջողվել է հավասարեցնել այն, ապա ինքնագոլի հեղինակ է դարձել Հրայր Մկոյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: