Մայիսի 23-ին իսպանացի Ունայ Էմերին գլխավորեց Լոնդոնի «Արսենալը»: Մարզիչն արդեն շրջել է ակումբի բազայում, եղել մարզումային դաշտում ու ծանոթացել «Արսենալի» պայմաններին:
«Հպարտ եմ այս հնարավորության համար: Անհամբերությամբ եմ սպասում, թե երբ եմ անցնելու աշխատանքիս կատարմանը: Անչափ երջանիկ եմ այստեղ լինելու համար: «Արսենալը» հրաշալի ակումբ է, լավ երկրպագուներ ու ստադիոն ունի, Լոնդոնն էլ հիանալի քաղաք է: Ինձ համար սա նոր մարտահրավեր է»,- ասել է Էմերին:
Իր ակումբի նոր մարզչի մասին ավելի վաղ խոսել է նաեւ Հենրիխ Մխիթարյանը, որը հիմա Հայաստանի ազգային հավաքականի հետ պատրաստվում է ընկերական հանդիպումների:
«Բարի գալուստ ենք մաղթում մեր նոր մարզչին: Չնայած Էմերիի հետ դեռ չեմ շփվել, բայց հույս ունեմ, որ «Արսենալին» նոր բարձունքների կհասցնի»,- ասել էր կիսապաշտպանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: