Չեմպիոնների Լիգայի 1/8 եզրափակչի առաջին շրջանի բոլոր հանդիպումներն արդեն կայացել են:
«Մնաչեսթեր Յունայթեդը» հյուրընկալվելիս չի կարողացել գոլի հեղինակ դառնալ «Սեւիլիայի» դեմ խաղում, այն գոլազուրկ ոչ-ոքիով է ավարտվել: Թեեւ տանտերերը մրցակցի դարպասին 25 հարված են հասցրել, սակայն բացել խաղի հաշիվը չեն կարողացել: ՄՅՈւ-ն ընդամենը 6 անգամ է սպառնացել մրցակցին:
Լուսանկարը` uefa.com
Անգլիական թիմը չի կարողանում փլեյ-օֆֆ փուլի հանդիպումներում հաղթել արդեն 4 տարի: Վերջին անգամ ՄՅՈւ-ն 2014-ին է ուժեղ եղել «Օլիմպիակոսից»:
Ժոզե Մոուրինյոն սպասում է պատասխան խաղին ու հավատում իր թիմին. «Օլդ Թրաֆորդը» կարոտել է մեծ եվրոպական ֆուտբոլը: Մենք խաղացել ենք ԵԼ-ի 1/4 եզրափակչում, սակայն դա այլ է: Հույս ունեմ, որ երկրպագուները մեզ առաջ կտանեն: Մեզ հաղթանակ է պետք, ու հանդիպումը բարդ է լինելու»,- ասել է ՄՅՈւ-ի գլխավոր մարզիչը:
Լուսանկարը` uefa.com
«Շախտյորը» համառ ու բարդ պայքարում կարողացել է առավելության հասնել «Ռոմայի» նկատմամբ 2:1 հաշվով: Առաջին խաղակեսի ավարտին «Ռոմային» առաջ է մղել Ջենգիզ Ունդերը, սակայն «Շախտյորը» հեշտորեն չի հանձնվել:
Լուսանկարը` uefa.com
52-ին այն Ֆակունդո Ֆերերայի շնորհիվ հավասարեցրել է հաշիվը, իսկ Ֆրեդը հաղթանակ է բերել իր թիմին՝վարպետորեն իրացնելով տուգանային հարվածը:
Թիմերի պատասխան հանդիպումը կայանալու է մարտի 13-ին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: