Ապրիլի 27-ին Անգլիայի ֆուտբոլի առաջնության շրջանակներում սպասվում է մանչեսթերյան դերբին՝ միմյանց դեմ մրցելու են «Սիթին» ու «Յունայթեդը»:
Մրցաշարային աղյուսակում հարեւանությամբ՝ 4-րդ ու 5-րդ տեղերում գտնվող թիմերին ընդամենը 1 միավոր է բաժանում:
«Մանչեսթեր Յունայթեդի» գլխավոր մարզիչ Ժոզե Մոուրինյոն խաղից առաջ հերթական մարտարավերն է նետել իր սաներին: Նա ՄՅՈւ-ի մարզումային համալիրի պատերից ջնջել է բոլոր գրությունները: Մարզիչը նկատել էր, որ Քարինգտոնի խոհանոց տանող միջանցքի պատերին լուսանկարներ են փակցված ու ակումբի նշանավոր դեմքերից մեջբերումներ արված:
Այդ քայլով պորտուգալացին անկնարկել է, որ ֆուտբոլիստներն իրենք պետք է ակումբի նոր պատմությունը կերտեն:
Մոուրինյոյի աչքից չի վրիպել այն հանգամանքը, որ թիմի ներկայիս կազմից շատ քիչ ֆուտբոլիստներ են այդ ցանկում ընդգրկված ու այդկերպ ցանկանում է նրանց մեջ մրցակցություն առաջացնել:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: