Հայաստանի ֆուտբոլի հավաքականի հետ վաղը ԱԱ-2018-ի ընտրական մրցաշարում սպասվող հանդիպումից առաջ Ղազախստանի ընտրանու գլխավոր մարզիչն ու ավագը հանդիպել են լրագրողների հետ:
E խմբում ոչ մի հաղթանակ չունեցող ղազախները վաղվա դիմակայությունից մեծ ակնկալիքներ ունեն:
Թիմի գլխավոր մարզիչ Ալեքսանդր Բորոդյուկ
Կիպրոսի ընտրանու հետ ընկերական խաղը, որում զիջեցինք, կարեւոր էր մեզ համար, քանի որ այդ թիմը տեխնիկական պատրաստվածության առումով նման է Հայաստանին:
Քննարկել ենք մեր սխալներն ու հույս ունեմ, որ վաղվա խաղում ֆուտբոլիստները նույն կերպ չեն գործի: Թիմային խաղ ենք ակնկալում: Կփորձենք երկրպագուներին ուրախացնել արժանի խաղով:
Չգիտեմ ինչ խաղ սպասել Հայաստանի հավաքականից: Հուսով եմ` երկու թիմերն էլ որակյալ ֆուտբոլ կցուցադրեն: Նման խաղերում սովորաբար անհատական վարպետությունը կարեւոր է: Վաղը լուրջ դիմակայություն է սպասվում:
Թիմի ավագ Բաուիրժան Իսլամխան
Մեզ շատ բարդ է խաղ է սպասվում: Պետք է ամեն հանդիպման դուրս գանք խաղադաշտ ու ցույց տանք մեր բոլոր հնարավորությունները: Հայաստանում 3 անգամ խաղացել եմ, ու լավ հիշողություններ են մնացել:
Ցանկանում ենք վաղը լավ խաղ ցուցադրել: Կանենք հնարավորը երկրպագուներին ուրախացնելու համար: Թիմը հոգեբանորեն պատրաստ է: Կիպրոսի հետ ընկերական խաղում պարտությունից հետո լիովին վերականգնվել ենք:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: