Հոկտեմբերի 3-ին, ժամը 17-ին Երեւանի «Հրազդան» մարզադաշտում կկայանա ընկերական խաղ, որի ընթացքում կհանդիպեն Հայաստանի լրատվամիջոցների եւ Ազգային ժողովի ֆուտբոլային թիմերը:
Ինչպես հայտնել է Հայաստանի լրատվամիջոցների թիմի ավագ, Մեդիամաքսի գլխավոր խմբագիր Դավիթ Ալավերդյանը, Ազգային ժողովի հավաքականում ընդգրկված կլինեն խորհրդարանի պատգամավորներ եւ աշխատակազմի ներկայացուցիչներ, իսկ ԶԼՄ-ների ընտրանու կազմում՝ Mediamax.am, News.am, Sport.am կայքերի, «Հայաստանի Հանրապետություն» թերթի, Հ1, «Արմենիա» եւ «ԱրմՆյուս» հեռուստաընկերությունների, Հանրային ռադիոյի եւ այլ լրատվամիջոցների ներկայացուցիչներ:
ԱԺ թիմը մարզում է անցյալի անվանի ֆուտբոլիստ Բաբկեն Մելիքյանը, իսկ ԶԼՄ-ներինը՝ մարզական մեկնաբան Կարեն Գիլոյանը:
Ըստ Ալավերդյանի, այս խաղով թիմերն իրենց աջակցությունն են հայտնում Հայաստանի ազգային հավաքականին, որը հոկտեմբերի 11-ին Երեւանում ընդունելու է Սերբիայի ընտրանուն:
Մուտքն մարզադաշտ ազատ է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: