Հայաստանի ֆուտբոլի ազգային հավաքականի կիսապաշտպան Հենրիխ Մխիթարյանի ոտքը գիպսի մեջ է:
ՀՖՖ պաշտոնական կայքին տված հարցազրույցում ֆուտբոլիստն ասել է, որ հետազոտությունները ցույց են տվել, որ ոտնաթաթի հատվածում ոսկրային խնդիր կա:
«Մայնցի» հետ մրցավեճում խաղային իրավիճակում ոտքիս ստացած հարվածից շատ ուժեղ ցավ եմ զգացել: Խաղից հետո անմիջապես դիմել եմ բժիշկներին: Հիմա ոտքս ոտքս գիպսի մեջ է, քայլում եմ հենակներով: Առաջիկա հետազոտությունները ցույց կտան, թե որքան կտեւի ապաքինումը: Նախնական ստուգումների արդյունքում ասել են, որ 4 շաբաթ կպահանջվի»,- ասել է Մխիթարյանը:
Ամենայն հավանականությամբ, հայ կիսապաշտպանը չի հասցնի վերականգնվել ու մասնակցել հոկտեմբերի 11-ին Երեւանում կայանալիք ԵՎՐՈ-2016-ի ընտրական փուլի Հայաստան-Սերբիա հանդիպմանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: