Աբու Դաբիում Գաբրիել Սարգսյանը պայքարում է մրցանակային տեղի համար

Աբու Դաբիում ավարտին է մոտենում ավանդական շախմատի փառատոնը, որի գլխավոր մրցաշարում հանդես են գալիս նաեւ հայ շախմատիստները:

Նրանցից լավագույն արդյունքն ունի Գաբրիել Սարգսյանը: Նա վաստակել է 6,5 միավոր ու կիսում է 2-5-րդ տեղերը:

Նախավերջին տուրում Սարգսյանն առավելության է հասել Պարհամ Մաղսուդյուի (Հնդկաստան) նկատմամբ: 

Առաջատարը 7 միավորով ուկրաինացի Անտոն Կորոբովն է: 9-րդ տուրում Սարգսյանը հենց նրա հետ է ուժերը չափելու:

Մրցաշարի հաղթողը ստանալու է 13,000, 2-րդ եւ 3-րդ տեղերը գրավածները` 7500 եւ 5500 դոլար: Կազմակերպիչները մրցանակներ են նախատեսել նաեւ առանձին անվանակարգերում: