Բեռլինում ընթացող հավակնորդների մրցաշարի 6-րդ տուրն անհաջող է դասավորվել Լեւոն Արոնյանի համար:
Նա սեւ խաղաքարերով հանդիպել է հետնապահ Ուեսլի Սոյին (ԱՄՆ) ու կրել մրցաշարում երկրորդ պարտությունը: Պարտիան տեւել է ավելի քան 5 ժամ, ու Արոնյանը, որն ունեցել է վատ դիրք, այդպես էլ չի կարողացել ճիշտ լուծումներ գտնել ստեղծված իրավիճակից դուրս գալու համար:
Նույնքան երկար տեւած պարտիայում Շահրիար Մամեդյարովը (Ադրբեջան) հաղթանակ է տարել Վլադիմիր Կրամնիկի (Ռուսաստան) նկատմամբ:
Տուրի մյուս հանդիպումներում գրանցվել են ոչ ոքիներ՝ Ֆաբիանո Կարուանան (ԱՄՆ) միավորը կիսել է Ալեքսանդր Գրիշչուկի (Ռուսաստան), Դին Լիժենը (Չինաստան)՝ Սերգեյ Կարյակինի (Ռուսաստան) հետ:
Այժմ Կարուանան ու Մամեդյարովը 4-ական միավորով գլխավորում են մրցաշարային աղյուսակը: Արոնյանը 2,5 միավորով կիսում է 6-7- րդ տեղերը: Մրցաշարում այսօր հանգստյան օր է:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: