Շարժայում ավարտվել է շախմատի Գրան Պրիի առաջին փուլը, որին մասնակցել է 18 գրոսմայստեր:
Վերջին տուրում Լեւոն Արոնյանը սեւ խաղաքարերով պարտություն է կրել Դին Լիրենից: Սա եղել է հայ շախմատիստի առաջին պարտությունը, մինչ այդ նա բոլոր պարտիաներն ավարտել էր ոչ-ոքի: Արոնյանը 4 միավորով զբաղեցրել է 13-րդ տեղը:
Մրցաշարում առաջին հորիզոնականը 5,5 միավորով զբաղեցրել է Ալեքսանդր Գրիշչուկը (Ռուսաստան), որը միայն լրացուցիչ ցուցանիշներով է առաջ անցել Մաքսիմ Վաշյե-Լագրավից (Ֆրանսիա):
Գրան պրին կազմված է 4 մրցաշարից, մյուս երեքը կայանալու են Մոսկվայում, Ժնեւում եւ Պալմա դե Մալյորկայում:
Ընդհանուր հաշվարկի առաջին եւ երկրորդ հորիզոնականները զբաղեցրած շախմատիստներն իրավունք են ստանալու մասնակցել Աշխարհի չեմպիոնի կոչման հավակնորդների մրցաշարին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: