Հայտնի են Ստավանգերի սուպերմրցաշարի բոլոր մասնակիցները

Հայտնի են հունիսի 5-17-ը Ստավանգերում կայանալիք շախմատային սուպերմրցաշարի բոլոր 10 մասնակիցների անունները:

Կազմակերպիչները նախապես հայտարարել էին 7-ին՝ Լեւոն Արոնյան, Մագնուս Կարլսեն (Նորվեգիա), Վլադիմիր Կրամնիկ (Ռուսաստան), Մաքսիմ Վաշյե-Լագրավ (Ֆրանսիա), Վիշվանաթան Անանդ (Հնդկաստան), Սերգեյ Կարյակին (Ռուսաստան) եւ Հիկարու Նակամուրա (ԱՄՆ):

Նրանց են ավելացել եւս երեքը՝ Ուեսլի Սոն (ԱՄՆ), Ֆաբիանո Կարուանան (ԱՄՆ) եւ Անիշ Գիրին (Հոլանդիա):

Այդ շախմատիստները ՖԻԴԵ-ի աղյուսակում զբաղեցնում են 1-10-րդ տեղերը, նրանց միջին վարկանիշը կազմում է 2800 միավոր, ինչը չափազանց բարձր արդյունք է համարվում: