Նոյեմբերի 24-ին Վալենսիայում կայանալու է պրոֆեսիոնալ բռնցքամարտի երեկո, որտեղ Հայաստանը ներկայացնելու են երեք բռնցքամարտիկ:
Արամ Ավագյանը, Նարեկ Աբգարյանն ու Գոռ Երիցյանը Դավիթ Թորոսյանի գլխավորությամբ այս օրերին մարզումներ են անցկացնում Օլիմպավանում ու պատրաստվում մենամարտերին:
Ավագյանի մրցակիցը լինելու է Դաթո Նանավան (Վրաստան), Երիցյանինը՝ Համզա Միսաուին (Իսպանիա), իսկ Աբգարյանինը՝ Ջեֆերսոն Վարգասը (Էկվադոր):
Mediamax Sport-ի թղթակցի հետ զրույցում Նարեկ Աբգարյանն ասել է, որ պրոֆեսիոնալ ռինգում սա լինելու է իր 7-րդ մենամարտը:
«Մի քանի հավաքներ ենք ունեցել, այժմ վերջնական պատրաստությունն ենք տեսնում: Արդեն չորս մենամարտ է 8-ռաունդանոց հանդիպումներ եմ անցկացնում, ուսումնասիրել եմ մրցակցիս ոճն ու անելու եմ ամեն ինչ կրկին հաղթանակած վերադառնալու համար»,-ասել է բռնցքամարտիկը:
Նա նաեւ նշել է, որ հաջորդ մենամարտը, ըստ ամենայնի 10-ռաունդանոց, կլինի արդեն 2018 թվականի սկզբին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: