Հունիսի 15-24-ը Խարկովում կայացած Եվրոպայի առաջնությունում Հայստանի բռնցքամարտի հավաքականին հաջողվել է նվաճել մեկ մեդալ: Եվրոպայի չեմպիոն է դարձել Հովհաննես Բաչկովը:
Հայաստանի բռնցքամարտի ֆեդերացիայի նախագահ Արթուր Գեւորգյանը նշել է, որ թիմը լավ պատրաստված էր մեկնել Խարկով, ինչի վառ արդյունքը բռնցքամարտիկների տպավորիչ ելույթներն էին:
«Հաջողության հասնելու մեծ շանսեր ուներ նաեւ 91 կգ քաշային Նարեկ Մանասյանը, սակայն մրցավարների կասկածելի որոշումների արդյունքում հաղթանակը շնորհվեց մրցակցին՝ Եվրոպայի, Աշխարհի ու Օլիմպիական չեմպիոն Եվգենի Տիշչենկոյին: Համոզված եմ, որ Մանասյանի հաղթանակները դեռ առջեւում են»,- Գեւորգյանի խոսքերն է մեջբերում բռնցքմարտի ֆեդերացիան:
Նա շնորհավորել է Բաչկովին, մարզչական շտաբին ու հայերին ոսկե մեդալ նվաճելու առթիվ: Գեւորգյանն ուրախ է, որ 7-ամյա ընդմիջումից հետո Եվրոպայի առաջնությունում հաջողվեց կրկին մեդալ ունենալ.
«Բաչկովը մեր փորձառու բռնցքամարտիկներից է, բայց ամեն անգամ վերջին պահին ինչ-որ բան նրան խանգարում էր հաջողության հասնել Եվրոպայի կամ Աշխարհի առաջնություններում: Այս հաղթանակը մեր մարզիկի երկարատեւ ու քրտնաջան, ինչպես նաեւ ֆեդերացիայի հետեւողական աշխատանքի արդյունքն է»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: